|
أَنَّ لَنَا كَرَّةً فَنَتَبَرَّأَ مِنْهُمْ كَمَا تَبَرَّؤُواْ مِنَّا كَذَلِكَ يُرِيهِمُ اللّهُ أَعْمَالَهُمْ حَسَرَاتٍ عَلَيْهِمْ وَمَا هُم بِخَارِجِينَ مِنَ النَّارِ
– „165. Одамлар орасида шундай кимсалар борки, улар ўзгаларни Аллоҳга тенг билиб, уларни Аллоҳни севгандек севадилар. Имонли кишиларнинг Аллоҳга бўлган муҳаббатлари қаттиқроқдир. Бундай золимлар азобга рўбарў бўладиган замонларида (қиёмат кунида) бутун куч-қудрат Аллоҳники бўлишини ва Аллоҳнинг азоби қаттиқ азоб эканини билсалар эди. 166. У кунда пешволар эргашувчилардан тонадилар ва ҳаммалари азобни (кўзлари билан) кўрадилар. (У кунда уларни боғлаб турадиган) баҳонаю сабаблар узилади. 167. Эргашувчилар: «Қанийди, яна бир карра (яшашнинг) иложи бўлса-ю, улар биздан тонганларидек, биз ҳам улардан тонсак», дейдилар. Шундай қилиб, Аллоҳ Таоло уларнинг қилган амалларини ўзларига ҳасрат-надомат қилиб кўрсатади ва улар жаҳаннамдан чиқувчи бўлмайдилар“. [2:165-167]
Аллоҳ Таоло бу оятларда қуйидагиларни баён қилади:
1- Шундай одамлар борки, улар Аллоҳга ширк келтирадилар, бошқаларни У Зотга тенглаштирадилар. Уларни худди Аллоҳни яхши кўргандек яхши кўрадилар. Лекин ҳидоятга асосланмаган муҳаббат мўминларнинг Аллоҳга бўлган муҳаббатлари даражасига ҳеч қачон кўтарила олмайди. Чунки мўминларнинг Аллоҳга бўлган муҳаббати тақвога, имонга асосланади. Мўминларнинг Аллоҳга бўлган муҳаббати шу қадар кучли, шу қадар ўткир муҳаббатки, у билан диллар ором олади, у билан жаннатга, Аллоҳнинг ризосига эришилади.
Анави Аллоҳга ширк келтирганлар ва бошқаларни Аллоҳга тенглаштирганларнинг борадиган жойи эса қиёмат кунидаги аламли азобдир. Ана шунда улар фақат Аллоҳгина Кучли эканини, Унинг қувватидан ўзга қувват йўқлигини, Унинг золимларга берадиган азоби жуда аламли, қаттиқ эканини, уларнинг Аллоҳга тенглаштириб юрган нарсалари ҳеч қандай кучга, қувватга эга бўлмаган, ўзларига ўхшаган махлуқотлар эканини билиб оладилар.
وَاتَّخَذُوا مِن دُونِ اللَّهِ آلِهَةً لَعَلَّهُمْ يُنصَرُونَ * لَا يَسْتَطِيعُونَ نَصْرَهُمْ وَهُمْ لَهُمْ جُندٌ مُّحْضَرُونَ
– „(Йўқ, улар шукр қилмадилар, балки) Аллоҳни қўйиб ёрдам олиш умидида (ўзга) «худо»ларни тутдилар. Улар ўша («худо»лари) учун ҳозирланган қўшинлари бўлган ҳолларида ҳам у («худо»лар) уларга ёрдам беришга қодир бўлмаслар“. [36:74-75]
وَلَوْ يَرَى الَّذِينَ ظَلَمُواْ إِذْ يَرَوْنَ الْعَذَابَ
69-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208